Առաջին դասարանցիների հետ սկսեցինք զրուցել տիեզերքի, Երկիր մոլորակի, արևի, լուսնի, աստղերի մասին, հորինեցինք դրանց մասին, նկարեցինք paint նկարչական ծրագրով ինչպես ենք պատկերացնում: Թեման շարունակեցին Պլանետարիում այցելությամբ:
Կից՝ սովորողների ճամփորդապատումները:
Եվա Խալաթյան
Այսօր մեր դասարանցիների հետ գնացել էինք Պլանետարիում: Շատ հետաքրքիր անցավ: Պլանետարիումում տեսա երկրագունդը: Դա մեր երկիրն է, որի վրա ապրում ենք: Տեսա արևը, այն նման չէր այն արևին, որը ես տեսել եմ: Ես տեսա շատ մոլորակներ, որոնց անունները չկարողացա հիշել, բայց կարծես հեքիաթում լինեի, լրիվ ուրիշ աշխարհում: Շատ հետաքրքիր էր: Շատ նոր բան տեսա ու սովորեցի: Սիրով էլի կգնայի:
Ադել Խոստիկյան
Մի գեղեցիկ օր, մենք դասարանով , ընկեր Հասմիկի հետ գնացինք ճամփորդության: Հասանք պլանետարիում :Այստեղ դիտեցինք ֆիլմ ՝ մոլորակների մասին; Մենք լսեցինք Արևի, Երկիր, Վեներա, Մարս ,Յուպիտեր, Սատուրն, Ուրան, Նեպտուն մոլորակների մասին: Մտքով թռանք տիեզերք :Շատ փայլուն աստղեր տեսանք: Ամենաշատը ես սիրեցի Սատուրն գոտիով մոլորակը :
Գոռ Կարապետյան
Էլլա Աղաբեկյան
Մենք դասարանով գնացել ենք Պլանետարիում: Այնտես մենք նայել ենք ֆիլմ, որտեղ պատմում են աստղերի մասին: Ինչպես են նրանք մահանում և իմացել ենք, որ միլիարդ տարի հետո արևը կուլ է տալու բոլոր մոլորակները ու ոչինչ չի մնալու: Տեսել ենք ինչպես են մոլորակներն իրար կպնում ու ջարդվում: Ինձ շատ դուր եկավ այնտեղ:
Վահան Սեմիրջյան
Մենք դասարանով գնացել էինք ճամփորդության մոլորակների աշխարհ։ Այնտեղ ես ծանոթացա տիեզերքի հետ։ Իմացա թե քանի մոլորակ գոյություն ունի, և որ այդ մոլորակներից մեկն Երկիր մոլորակն է։ Ծանոթացա գեղեցիկ աստղաբույլի հետ, իմացա որ պարտադիր չէ թռչել տիեզերք, որ ծանոթանամ տիեզերքի հրաշքների հետ
Տիգրան Ներսիսյան
Երեկ մենք դասարանով գնացինքպլանետարյում։ Շատ հետաքրքիր անցավ։ Մենք այնտեղ մուլտֆիլմնայեցինք մոլորակների մասին։Մենք իմացանք, որ այն ժամանակ Մարսի վրա ջուր կար։ Հիմա էլ գիտնականները շարունակում են ուսումնասիրել Մարսը։ Մենք աստղերը տեսնում ենք փոքր, որովհետև նրանք մեզնից շատ-շատ հեռու են գտնվում, բայց իրականում նրանք մեծ են։ Օրինակ՝ Արևը, չէ որ արևն էլ է աստղ։ Ես մուտքի մոտ տեսա առաջին տիեզերագնացին Յուրի Գագարինի լուսանկարը։ Քանի որ Երկիր մոլորակը պտտվում էիր առանցքի շուրջը, գիշերն ու ցերեկը փոփոխվում են։ Ես շատ եմ սիրում կարդալ տիեզրքի մասին։
Մարիա Խաչատրյան
Երեկ մենք գնացել էինք Պլանետարիում:Այնտեղ կային շատ մոլորակներ և աստղեր:Այնտեղ մենք թռնում էինք: Ինձ շատ դուր եկավ մեր ճամփորդությունը:
Լևոն Թումանյան
Մենք դասարանով ընկեր Հասմիկի հետ միասին գնացել ենք աստղադիտարան։ Այնտեղ շատ հետաքրքիր էր։ Մենք մոտիկից տեսանք մեր Երկիր մոլորակը, Սատուրնը, Մարսը, Վեներան, Յուպիտերը, Լուսինը և Արեգակը։ Մենք այնտեղ շատ լավ ժամանակ անցկացրեցինկ։ Ես կրկին կոււզենայի այնտեղ այցելել։
Մարտին Հարությունյան